dil koi phul nahin aur sitara bhi nahin
kar-e-duniya ka nahin aur tumhaara bhi nahin
hum kisi samt chalen rah lagen kho jaen
rah-e-gum-gashta hain so aisa ishaara bhi nahin
hum ko to wasl ke qabil nahin jaana tum ne
hum chale jaen kahin tum ko gawara bhi nahin
na-rasai ne ajab taur sikhae hain 'ata'
yani bhule bhi nahin tum ko pukara bhi nahin
Ghazal
Dil koi phul nahin aur sitara bhi nahin
Ahmad Ata