dil ko taskin-e-yar le Dubi
is chaman ko bahaar le Dubi
ashk to pi gae hum un ke huzur
aah-e-be-iKHtiyar le Dubi
ishq ke karobar ko aksar
garmi-e-karobar le Dubi
haal-e-gham un se bar bar kaha
aur hansi bar bar le Dubi
tere har mashware ko ai naseh
aaj phir yaad-e-yar le Dubi
chaar din ka hi sath tha lekin
zindagi ai 'KHumar' le Dubi
Ghazal
Dil ko taskin-e-yar le Dubi
Khumar Barabankavi