dil kisi KHwahish ka uksaya hua
phir machal uTTha hai bahlaya hua
ja tujhe tere hawale kar diya
khench le ye hath phailaya hua
jis tarah hai KHushk patton ko hawa
mere hisse mein hai tu aaya hua
ye bagule hain ki istiqbaal-e-qais
phir raha hai dasht ghabraya hua
bazm mein bas ek ruKH-e-raushan ke faiz
jo jahan maujud tha saya hua
kya karun ai kar-e-duniya kya karun
wo mujhe hai phir se yaad aaya hua
Ghazal
Dil kisi KHwahish ka uksaya hua
Ashfaq Nasir