dil ki sab uljhanon ka hal likkhun
ek mahakti hui ghazal likkhun
us ki aasaniyon pe jaan de dun
apni mushkil ko bhi saral likkhun
jabki tadbir mein kami na karun
phir bhi taqdir ko aTal likkhun
baat main ek be-misal kahun
sher main koi be-badal likkhun
meri kuTiya ki baat kya hai 'sahar'
tere chhappar ko bhi mahal likkhun
Ghazal
Dil ki sab uljhanon ka hal likkhun
Ramzan Ali Sahar