dil KHauf mein hai aalam-e-fani ko dekh kar
aati hai yaad maut ki pani ko dekh kar
hai bab-e-shahr-e-murda guzar-gah-e-baad-e-sham
main chup hun is jagah ki girani ko dekh kar
hil si rahi hai hadd-e-safar fart-e-shauq se
dhundla rahe hain harf maani ko dekh kar
aazurda hai makan mein KHak-e-zamin bhi
chizon mein shauq-e-naql-e-makani ko dekh kar
Ghazal
Dil KHauf mein hai aalam-e-fani ko dekh kar
Muneer Niyazi