dil ke diwar-o-dar pe kya dekha
bas tera nam hi likha dekha
teri aankhon mein hum ne kya dekha
kabhi qatil kabhi KHuda dekha
apni surat lagi parai si
jab kabhi hum ne aaina dekha
hae andaz tere rukne ka
waqt ko bhi ruka ruka dekha
tere jaane mein aur aane mein
hum ne sadiyon ka fasla dekha
phir na aaya KHayal jannat ka
jab tere ghar ka rasta dekha
Ghazal
Dil ke diwar-o-dar pe kya dekha
Sudarshan Faakhir