Dil jo ek jae thi duniya hui aabaad usMein

dil jo ek jae thi duniya hui aabaad us mein
pahle sunte hain ki rahti thi koi yaad us mein

wo jo tha apna guman aaj bahut yaad aaya
thi ajab rahat-e-azadi-e-ijad us mein

ek hi to wo muhim thi jise sar karna tha
mujhe hasil na kisi ki hui imdad us mein

ek KHushbu mein rahi mujh ko talash-e-KHad-o-KHal
rang faslen meri yaro huin barbaad us mein

bagh-e-jaan se tu kabhi raat gae guzra hai
kahte hain raat mein khelen hain pari-zad us mein

dil-mohalle mein ajab ek qafas tha yaro
said ko chhoD ke rahne laga sayyaad us mein