dil dena mushkil hota hai
dil ka bhi ek dil hota hai
hum hote hain jab mahfil mein
tu jaan-e-mahfil hota hai
mauj mein aa kar sahra bola
mujh mein bhi sahil hota hai
jis raste mein tum mil jao
wo rasta manzil hota hai
dekh mujhe sab dekh rahe hain
tu hi kyun ghafil hota hai
koi nazar ho ya KHanjar ho
qatil to qatil hota hai
'momin' tere chup hone se
ek aalam sail hota hai
Ghazal
Dil dena mushkil hota hai
abdurrahman momin