dhaDkanen band-e-takalluf se zara aazad kar
barmala mumkin nahin dil mein kisi ko yaad kar
zindagi ek dauD hai to sans phulegi zarur
ya badal mafhum is ka ya na phir fariyaad kar
har KHizan ki kokh se hoti hai paida nau-bahaar
daman-e-ummid maila aur na dil nashad kar
bastiyan tu ne KHalaon mein basain bhi to kya
dil ke viranon ko dekh un ko bhi kuchh aabaad kar
Ghazal
DhaDkanen band-e-takalluf se zara aazad kar
Sharif kunjahi