der tak main tujhe dekhta bhi raha
sath ek soch ka silsila bhi raha
main to jalta raha par meri aag mein
ek shola tere nam ka bhi raha
shahr mein sab se chhoTa tha jo aadmi
apni tanhaiyon mein KHuda bhi raha
zindagi yaad rakhna ki do chaar din
main tere waste masala bhi raha
rang hi rang tha shahr-e-jaan ka safar
rah mein jism ka hadsa bhi raha
tum se jab guftugu thi to ek ham-suKHan
koi jaise tumhaare siwa bhi raha
wo mera ham-nashin ham-nawa ham-nafas
bhunkta bhi raha kaTta bhi raha
Ghazal
Der tak main tujhe dekhta bhi raha
Rais Farogh