dekho koi KHwab din Dhale ka
dariya ke is aaKHiri sire ka
zahir mein the pur-tapak lamhe
mausam tha wo rishte TuTne ka
kaghaz pe sulagte kuchh sitare
maktub sa koi shab Dhale ka
qurbat ki chhaTi jo dhund dekha
raushan tha charagh fasle ka
har aankh mein DhunDhta hun KHud ko
main nur hun bujhte ratjage ka
Tahni se gira do barg-e-larzan
imkan hai taza sanehe ka
Ghazal
Dekho koi KHwab din Dhale ka
Musavvir Sabzwari