dayar-e-habs mein bujhte hue charaghon ko
zara sahaara hawa ka mile charaghon ko
bujhe charaghon ki sargoshiyon mein KHatra hai
hawa bhi kan laga kar sune charaghon ko
dikha na paen jo rasta kisi musafir ko
to kya kare koi rah mein paDe charaghon ko
tumhaare bas mein nahin hai to raushni dunga
charagh ban ke jo utre kahe charaghon ko
palaT ke aae andheron ko mat de kar hum
hamari rah mein koi rakhe charaghon ko
Ghazal
Dayar-e-habs mein bujhte hue charaghon ko
Saim Ji