dast-e-talab daraaz ziyaada na kar sake
hum zindagi se koi taqaza na kar sake
chunki karam pe hum tere shubha na kar sake
bas ai KHuda gunah se tauba na kar sake
jab e'tibar-e-zauq-e-nazar bhi na mil saka
nazron ko apni waqf-e-nazara na kar sake
tu jab qarib-e-jaan bhi qarib-e-nazar bhi tha
hum bhi ba-zoam-e-ishq iada na kar sake
phir to tera KHayal bhi aaya nahin kabhi
phir hum teri talab bhi gawara na kar sake
Ghazal
Dast-e-talab daraaz ziyaada na kar sake
Zain Ramish