dasht mein wadi-e-shadab ko chhu kar aaya
main khuli-ankh hasin KHwab ko chhu kar aaya
us ko chhu kar mujhe mahsus hua hai aise
jaise main resham-o-kim-KHwab ko chhu kar aaya
mujh ko malum hai poron ke damakne ka jawaz
raat main KHwab mein mahtab ko chhu kar aaya
jism ke sath meri ruh bhi nam hone lagi
jab se us dida-e-pur-ab ko chhu kar aaya
ruh ki kai isi taur se chhaTna thi so main
subh-dam mimbar-o-mehrab ko chhu kar aaya
murtaish kirnon ka raqs ek ghaDi bhi na thame
chand kis tarz ke talab ko chhu kar aaya
Ghazal
Dasht mein wadi-e-shadab ko chhu kar aaya
Ahmad Khayal