dasht ki dhup hai jangal ki ghani raaten hain
is kahani mein bahr haal kai baaten hain
go tere sath mera waqt guzar jaata hai
shahr mein aur bhi logon se mulaqaten hain
jitne ashaar hain un sab pe tumhaara haq hai
jitni nazmen hain meri nind ki saughaten hain
kya kahani ko isi moD pa rukna hoga
raushni hai na samundar hai na barsaten hain
Ghazal
Dasht ki dhup hai jangal ki ghani raaten hain
Javed Nasir