das aql das maqule das mudrikat tison
tere hi zikr mein hain ai pak-zat tison
no aasman KHur-o-mah saton tabaq zamin ke
ruh-o-hawas-e-KHamsa aur shash-jahat tison
bara buruj chaudah masum chaar unsur
zahir karen hain teri lakhon sifat tison
si-parha-e-dil ko rakhiyo muhafizat se
ai meri jaan hain teri hifz-e-hayat tison
mah-e-guzishta ka haal 'insha' kahun so kyunkar
mar mar basar kiye hain din aur raat tison
Ghazal
Das aql das maqule das mudrikat tison
Insha Allah Khan u0027Inshau0027