dariya mein hai sarab ajab ibtila mein hun
main bhi husain hi ki tarah karbala mein hun
Tikte nahin kahin bhi qadam aarzuon ke
phenka hai jab se teri zamin ne KHala mein hun
aawaz kab se deta tha hirman-nasib dil
ab aai hai to gharq nashat-e-bala mein hun
kya farz hai ki isa-o-mariyam dikhai de
maslub dard chiKHe ki main ibtila mein hun
har lahza inhidam ka hai KHauf mujh ko 'hosh'
main is dayar-e-shor-o-shar-e-zalzala mein hun
Ghazal
Dariya mein hai sarab ajab ibtila mein hun
Ibraheem Hosh