Dard-e-firaq dil se juda ho to jaaniye

dard-e-firaq dil se juda ho to jaaniye
is ka ilaj is ki dawa ho to jaaniye

go nama-bar ko naz hai apne bayan par
paigham-e-shauq us se ada ho to jaaniye

dard-e-firaq had se guzar kar Thahar gaya
kam ho to jaaniye jo siwa ho to jaaniye

kya aap puchhte hain mere dil ka majra
aisi hi aap par bhi jafa ho to jaaniye

jo gham mujhe hain aap unhen ai janab-e-'nuh'
kya jaaniye dil us ko diya ho to jaaniye