Dard-e-dil ke liye kuchh aisi dawa li humne

dard-e-dil ke liye kuchh aisi dawa li hum ne
Tis gar kam bhi hui aur baDha li hum ne

apne ashkon ko tabassum se chhupaya jaise
jism uryan tha to parina qaba li hum ne

umr-bhar shahr-e-nigaran mein wafa ko tarse
apni na-karda gunahi ki saza li hum ne

chiKHte lamhon se andar ka na rishta TuTa
warna bahar ki to KHamosh faza li hum ne

ek mahshar sa bapa tha kai aawazon ka
bolna chaha to mange ki sada li hum ne