daraKHshan ho jo wo mah-zada-e-shab
bikhar jae ghubar-e-jada-e-shab
na aai ek shab-e-aish-e-tarab-za
hua tha wo kabhi aamada-e-shab
koi lahra raha tha apne gesu
miyan-e-zikr-e-mauj-e-baada-e-shab
na tujh ko dekhte ek shab KHiraman
na hote is qadar dildada-e-shab
kahan hai ai mere mah-e-jawan-sal
bulati hai nigar-e-sada-e-shab
Ghazal
DaraKHshan ho jo wo mah-zada-e-shab
Syed Amin Ashraf