dagh hone lage zahir mere
tez kar rang musawwir mere
meri aankhon mein siyahi bhar de
ya hare kar de manazir mere
nuqrai jhil bulati thi unhen
phans gae jal mein tair mere
kaun tahlil hua hai mujh mein
muntashir kyun hain anasir mere
hai kahan shankh bajaane wala
kab se KHamosh hain mandir mere
sang se jism bhi kar ab mujh ko
tu kahan khoya hai sahir mere
lafz ki qaid-o-rihai ka hunar
kaam aa hi gaya aaKHir mere
Ghazal
Dagh hone lage zahir mere
Vikas Sharma Raaz