chhanw mil jae to kam dam mein bik jati hai
ab thakan thoDe se aaram mein bik jati hai
aap kya mujh ko nawazenge janab-e-ali
saltanat tak mere inam mein bik jati hai
sher jaisa bhi ho is shahr mein paDh sakte ho
chae jaisi bhi ho aasam mein bik jati hai
wo siyasat ka ilaqa hai udhar mat jaana
aabru kucha-e-bad-nam mein bik jati hai
Ghazal
Chhanw mil jae to kam dam mein bik jati hai
Munawwar Rana