chhanw afsos daimi na rahi
dhup ka kya rahi rahi na rahi
aasra chhin gaya hai jine ka
aas thi jo rahi-sahi na rahi
ho gaya KHwab phul sa chehra
shaKH-e-dil bhi hari-bhari na rahi
bah gae aansuon ke dariya mein
aap ki baat yaad hi na rahi
ek udasi thi raat thi hum the
aur phir hajat-e-KHushi na rahi
mashwara jas ka tas raha lekin
mashwaron ki kabhi kami na rahi
waqia jo hua hua lekin
dastan aap se juDi na rahi
un ilaqon mein kya raha sahib
jin ilaqon mein shaeri na rahi
ek tamanna thi teri mahfil mein
kyun rahen hum agar wahi na rahi
Ghazal
Chhanw afsos daimi na rahi
Irshad Khan ’Sikandar’