chashm o lab kaise hon ruKHsar hon kaise tere
hum KHayalon mein banate rahe naqshe tere
tere sawant ko suli ki zaban chaT gai
jism abhi garm tha aur baal the gile tere
kya kahun kya tere afsurda dilon par guzri
kaise taraj hue aaina-KHane tere
ab kahan dekhne walon ko yaqin aaega
bagh-e-jannat tha badan KHwab the bose tere
Ghazal
Chashm o lab kaise hon ruKHsar hon kaise tere
Ahmad Mushtaq