chashm-e-tar ko zaban kar baiThe
haal dil ka bayan kar baiThe
tum ne rasman mujhe salam kiya
log kya kya guman kar baiThe
ek pal bhi kahan sukun mila
aap ko jab se jaan kar baiThe
pastiyon mein kabhi gira Dala
aur kabhi aasman kar baiThe
aas ki shama TimTimati rahi
hum kahan haar man kar baiThe
ek pal ka yaqin nahin 'raghib'
ek sadi ka plan kar baiThe
Ghazal
Chashm-e-tar ko zaban kar baiThe
Iftikhar Raghib