chamakte lafz sitaron se chhin lae hain
hum aasman se ghazal ki zamin lae hain
wo aur honge jo KHanjar chhupa ke late hain
hum apne sath phaTi aastin lae hain
hamari baat ki gahrai KHak samjhenge
jo parbaton ke liye KHurdbin lae hain
hanso na hum pe ki har bad-nasib banjare
saron pe rakh ke watan ki zamin lae hain
mere qabile ke bachchon ke khel bhi hain ajib
kisi sipahi ki talwar chhin lae hain
Ghazal
Chamakte lafz sitaron se chhin lae hain
Rahat Indori