chala jata hai karwan-e-nafas
na bang-e-dara hai na saut-e-jaras
baras kitne guzre ye kahte hue
ki kuchh kaam kar lenge ab ke baras
na wo puchhte hain na kahta hun main
rahi jati hai dil ki dil mein hawas
wo hasrat-zada said main hi to hun
hai parwaz jis ki durun-e-hawas
sitam hain ye 'wahshat' teri ghaflaten
tujhe kash hota shumar-e-nafas
Ghazal
Chala jata hai karwan-e-nafas
Wahshat Raza Ali Kalkatvi