chaDha hua hai jo dariya utarne wala hai
ab is kahani ka kirdar marne wala hai
ye aagahi hai kisi hadse ke aamad ki
badan ka sara asasa bikharne wala hai
zara si der mein zanjir TuT jaegi
junun apni hadon se guzarne wala hai
suna hai shahar mein aaya hai jadu-gar koi
tamam shahr ko taswir karne wala hai
tamam shahr banaya gaya hai aaina
ye aaj kis ka sarapa sanwarne wala hai
'shakil' hum se kisi ko shikayaten hain bahut
chalo koi to hamein pyar karne wala hai
Ghazal
ChaDha hua hai jo dariya utarne wala hai
Shakeel Azmi