chahe kuchh ho zer-e-ehsan apni nadari na rakh
pattharon se bhar ke ye shishe ki almari na rakh
jang tu jite ki haare ye alag ek baat hai
zehn-o-dil par KHauf dushman ka magar tari na rakh
aaDi tirchhi kuchh lakiren hi milengi sham tak
shahr ke chaurahe par tu apni fankari na rakh
ye buzurgon ki rawa-dari ke pazh-murda gulab
aabiyari chahte hain in mein chingari na rakh
hai tere insaf ka teri taraazu se waqar
baT halke hon to aage chiz bhi bhaari na rakh
zindagi ke aaine ki aab hai 'hamid' KHudi
apni sanson se juda ehsas-e-KHud-dari na rakh
Ghazal
Chahe kuchh ho zer-e-ehsan apni nadari na rakh
Hamid Mukhtar Hamid