chahaton ka jo shajar hai dosto
aaj be-barg-o-samar hai dosto
uD rahi hai jo sitaron se pare
apni hi gard-e-safar hai dosto
daman-e-zarrin amir-e-shahr ka
KHun mein apne hi tar hai dosto
ashk-e-gham pi pi ke apne shahr mein
muskurana bhi hunar hai dosto
manzil-e-KHurshid se aage chalo
mausam-e-parwaz-o-par hai dosto
kar-ha-e-zindagi hain mo'atabar
zindagi na mo'atabar hai dosto
Ghazal
Chahaton ka jo shajar hai dosto
Rifat Al-Husaini