Bujh rahi hai aankh ye jism hai jumud mein

bujh rahi hai aankh ye jism hai jumud mein
ai makin-e-shahr-e-dil aa meri hudud mein

paD gai daraD si kya darun-e-dil kahin
aa gai shikastagi kyun mere wajud mein

KHwahish-e-qadam ki hon us taraf hi gamzan
dil ki aarzu rahe us ki hi quyud mein

rang kya ajab diya meri bewafai ko
us ne yun kiya ki mere KHat jalae ud mein

tu ne jo diya hamein us se baDh ke denge hum
bewafai asal zar nafraton ko sud mein

baam-e-intizar par dekhta hun do diye
jhankta hun jab kabhi raftagan ke dud mein