bikhar hi jaunga main bhi hawa udasi hai
fana-nasib har ek silsila udasi hai
bichhaD na jae kahin tu safar andheron mein
tere baghair har ek rasta udasi hai
bata raha hai jo rasta zamin dishaon ko
hamare ghar ka wo raushan diya udasi hai
udas lamhon ne kuchh aur kar diya hai udas
tere baghair to sari faza udasi hai
kahin zarur KHuda ko meri zarurat hai
jo aa rahi hai falak se sada udasi hai
Ghazal
Bikhar hi jaunga main bhi hawa udasi hai
Iftikhar Imam Siddiqi