bichhaDna mujh se to KHwabon mein silsila rakhna
dayar-e-zehn mein dil ka diya jala rakhna
palaT ke aaenge mausam to tum ko likkhunga
kitab-e-dil ka waraq tum zara khula rakhna
main chahta hun wo aankhen jo rose milti hain
kabhi to mujh se kahin hum pe aasra rakhna
badan ki aag se jhulse na jism ruhon ka
qarib aa ke bhi tum mujh se fasla rakhna
udas lamhon ke mausam guzar hi jaenge
kisi ki baat ka ab dil mein kya gila rakhna
jo chal paDe ho mare sath tapti rahon par
kahin utar ke phulon ki ye qaba rakhna
Ghazal
BichhaDna mujhse to KHwabon mein silsila rakhna
Farooq Bakshi