bhuli-bisri yaadon ko lipTae hue hun
TuTa jal samundar par phailae hue hun
wahshat karne se bhi dil bezar hua hai
dasht o samundar aanchal mein simTae hue hun
wo KHushbu ban kar aae to be-shak aae
main bhi dast-e-saba se hath milae hue hun
TuTe-phuTe lafzon ke kuchh rang ghule the
un ki mehndi aaj talak bhi rachae hue hun
jin baaton ko sunna tak bar-e-KHatir tha
aaj unhin baaton se dil bahlae hue hun
Ghazal
Bhuli-bisri yaadon ko lipTae hue hun
Zehra Nigaah