bhed duniya ke kholta hun main
sab sunen ab ki bolta hun main
aasman ek jast-e-taza-dami
dhup bhar par TaTolta hun main
harf-e-masraf hai lamha-e-guzran
shoala-e-kun TaTolta hun main
wusat-e-wajd hai meri pahchan
rang har shai mein gholta hun main
sad shafaq samt lamha-e-sayyal
bich mein KHud ko taulta hun main
gauhar-e-ab-dar ho ke bhi 'tur'
KHud ko miTTi mein rolta hun main
Ghazal
Bhed duniya ke kholta hun main
Krishna Kumar Toor