bhaTak gaya ki manzilon ka wo suragh pa gaya
hamare waste KHala mein rasta bana gaya
surahi dil ki aansuon ki os se bhari rahi
isi liye azab-e-hijr us ko ras aa gaya
sarab ka tilism TuTna bahut bura hua
ki aaj tishnagi ka e'tibar bhi chala gaya
tamam umr KHwab dekhne mein munhamik raha
aur is tarah haqiqaton ko wahima bana gaya
Ghazal
BhaTak gaya ki manzilon ka wo suragh pa gaya
Shahryar