betabiyon ko meri baDhane lagi hawa
ruKH se naqab un ka uThane lagi hawa
pahle bhi kar chuki hai mera aashiyan tabah
tewar phir aaj apne dikhane lagi hawa
un ki talash koi bhala kis tarah kare
naqsh-e-qadam bhi un ke miTane lagi hawa
purab se jab chali to hare zaKHm ho gae
dil mein ajib Tis uThane lagi hua
lagta hai KHush nahin hai ye 'ghazi' se in dinon
sehn-e-chaman mein dhul uDane lagi hua
Ghazal
Betabiyon ko meri baDhane lagi hawa
Shahid Ghazi