be makan tarik dhaDkan gin gaya
chiKHta chinghaDta engine gaya!
ro raha tha sham ko suraj lahu
chalne wala thak gaya lekin gaya
qatra qatra raat sukhi dasht mein
reza reza pattharon se din gaya
shahr mein patton ne dastak chheD di
ai hawa kya jangalon ka sin gaya
raston ka jal phaila rah gaya
ek bagula sa uTha aur jin gaya
baad mein tha bojh paper-weight ka
paDh liya mujh ko laga kar pin gaya!
be-hisi thi aur naqsh-e-indimal
zaKHm ka zinda talluq chhin gaya
Ghazal
Be makan tarik dhaDkan gin gaya
Mehdi Jafar