be-hisi insan ka hasil na ho
dosti ho ret ka sahil na ho
main to bas ye chahta hun wasl bhi
do dilon ke darmiyan hael na ho
mujh ko tanha chhoDne wale bata
kya karun jab dil teri mahfil na ho
kis tarah meri zaban tak aaega
harf jo sachchai ka hamil na ho
ye zamana chahta hai aaj bhi
KHun-e-dil tahrir mein shamil na ho
jis taraf le ja rahi hai zindagi
us taraf bhi kucha-e-qatil na ho
aadamiyyat ke liye ye shart hai
aadmi kuchh ho magar sail na ho
Ghazal
Be-hisi insan ka hasil na ho
Aghaz Barni