bas ek nazar mein dil-o-jaan figar karta hai
wo shaKHs kitne saliqe se war karta hai
tumhaari chaal se to mat kha gaya wo bhi
wahi jo uDte parinde shikar karta hai
ye marhala bhi kisi imtihan se kam to nahin
wo shaKHs mujh pe bahut e'tibar karta hai
ye kis ka husn mahakta hai mere sheron mein
ye kaun hai jo inhen KHush-gawar karta hai
tumhaare gham ko mein dil se laga ke rakhta hun
yahi to hai jo mujhe ba-waqar karta hai
Ghazal
Bas ek nazar mein dil-o-jaan figar karta hai
Moin Shadab