bardasht ki hadon se mera dil guzar gaya
aandhi uThi to ret ka Tila bikhar gaya
tahrik jab jumud ke sanche mein Dhal gai
aisa laga ki KHun ragon mein Thahar gaya
wo shaKHs jis ne umr guzari thi dhup mein
ThanDak ki jaedad mere nam kar gaya
main us ko ham-KHayal samajhta raha magar
sine mein iKHtilaf ka chaqu utar gaya
pur-haul waqiat ke gumbad mein hain asir
hum kya karen hamari dua ka 'asar' gaya
Ghazal
Bardasht ki hadon se mera dil guzar gaya
Sajid Asar