Bandon ka mizaj humne dekha

bandon ka mizaj hum ne dekha
kya kuchh nahin aaj hum ne dekha

hilte hue taKHt ko sambhaalo
girta hua taj hum ne dekha

jite to KHushi se mar na jate
kis shaKHs ka raj hum ne dekha

kya kya na taras taras gae hum
kya kya na samaj hum ne dekha

roe hain to log ro paDe hain
ab ke to riwaj hum ne dekha

'gauhar' ko salam-e-shauq pahunche
kuchh kaam na kaj hum ne dekha