bahut mushkil tha mujh ko rah ka hamwar kar dena
to main ne tai kiya is dasht ko diwar kar dena
to kyun is bar us ne mere aage sar jhukaya hai
use to aaj bhi mushkil na tha inkar kar dena
phir aaKHirkar ye sabit hua manzur tha tujh ko
hamare arsa-e-hasti ko bas bekar kar dena
use hai roz pani ki tarah meri taraf aana
aur apne jism ko kuchh aur aatish-bar kar dena
wo us ka raat bhar tamir karna mujh ko mushkil se
magar phir subh se pahle mujhe mismar kar dena
Ghazal
Bahut mushkil tha mujhko rah ka hamwar kar dena
Taleef Haidar