Bahut dinon mein kahin raste badalte the

bahut dinon mein kahin raste badalte the
wo log kaise the jo sath sath chalte the

wo kar-gah na rahi aur na wo sifal rahi
KHuda ke daur mein kya aadmi nikalte the

zara se rizq mein barkat bhi kitni hoti thi
aur ek charagh se kitne charagh jalte the

guzarne ki wo surat qayam-e-KHwab mein thi
jahan se aur kai raste nikalte the

falak pe apna basera tha aur hum aksar
falak ke aaKHiri kone pe ja nikalte the