Bahaar aai hai sote ko Tuk jaga dena

bahaar aai hai sote ko Tuk jaga dena
junun zara meri zanjir ko hila dena

tere labon se agar ho sake masihai
to ek baat mein jita hun main jila dena

ab aage dekhiyo jitun na jitun ya qismat
meri bisat mein dil hai ise laga dena

rahun na garmi-e-majlis se main teri mahrum
sipand-war mujhe bhi zara tu ja dena

KHuda kare teri zulf-e-siyah ki umr daraaz
kabhi bala mujhe lena kabhi dua dena

ba-rang-e-ghuncha zar-e-gul ke tain girah mat bandh
'fughan' jo hath mein aawe use uDa dena