bazi-e-ishq mare baiThe hain
hath par hath dhare baiThe hain
hum hain aur girya-e-KHunin din-raat
phul daman mein bhare baiThe hain
dil mein aahen hain nazar su-e-falak
tir tarkash mein bhare baiThe hain
main bhi hun jaan se apni bezar
wo bhi ghusse mein bhare baiThe hain
kar chuke chaak gareban jab se
hath par hath dhare baiThe hain
meri mayyat ke sirhane wo 'aziz'
ashk aankhon mein bhare baiThe hain
Ghazal
Bazi-e-ishq mare baiThe hain
Aziz Lakhnavi