Baat phulon ki suna karte the

baat phulon ki suna karte the
hum kabhi sher kaha karte the

mishalen le ke tumhaare gham ki
hum andheron mein chala karte the

ab kahan aisi tabiat wale
choT kha kar jo dua karte the

tark-e-ehsas-e-mohabbat mushkil
han magar ahl-e-wafa karte the

bikhri bikhri hui zulfon wale
qafile rok liya karte the

aaj gulshan mein shagufe 'saghar'
shikwa-e-baad-e-saba karte the