bahar ke asrar lahu ke andar khulte hain
band aankhon par kaise kaise manzar khulte hain
apne ashkon se apna dil shaq ho jata hai
barish ki bauchhaar se kya kya patthar khulte hain
lafzon ki taqdir bandhi hai mere qalam ke sath
hath mein aate hi shamshir ke jauhar khulte hain
sham khule to nashshe ki had jari hoti hai
tishna-kaamon ki hujjat par saghar khulte hain
'saqi' pagal kar dete hain wasl ke KHwab mujhe
us ko dekhte hi aankhon mein bistar khulte hain
Ghazal
Bahar ke asrar lahu ke andar khulte hain
Saqi Faruqi