ba-qadr-e-shauq iqrar-e-wafa kya
hamare shauq ki hai intiha kya
dua dil se jo nikle kargar ho
yahan dil hi nahin dil se dua kya
jo kahte hain ab is mein kuchh nahin hai
koi un se ye puchhe mujh mein tha kya
na us par iKHtiyar apna na is par
sar-e-aghaz o fikr-e-intiha kiya
salamat daman-e-ummid 'simab'
mohabbat mein kisi ka aasra kya
Ghazal
Ba-qadr-e-shauq iqrar-e-wafa kya
Seemab Akbarabadi