ashk jo chashm-e-KHun-fishan se gira
tha sitara ki aasman se gira
aatish-e-gul pe jal kabab hua
raat bulbul jo aashiyan se gira
shisha-e-dil to chur ho jata
koi patthar na aasman se gira
main ne aankhon se le liya us ko
phul jo dast-e-baghban se gira
hans diya yar ne jo raat 'KHaliq'
kha ke Thokar us aastan se gira
Ghazal
Ashk jo chashm-e-KHun-fishan se gira
Meer Mustahsan Khaleeq